Official Spokes Person ,Andhra Pradesh Congress Committee

Post Image

At present I am working with our senior congress leaders under the able leadership of Indian National Congress president and Congress Parliamentary Party chairperson Mrs Sonia Gandhi who was ranked as one of the few influential persons on the globe. Further I am maintaining healthy relationship with Congress leaders and cadre too.

విజయవాడ పైన పటారం..లోన లొటారం

రాజధాని నగరం విజయవాడ పరిస్థితి పైన పటారం.. లోన లొటారం మాదిరిగా తయారయింది..నగరపాలక సంస్థ నుంచి అసెంబ్లీ, పార్లమెంటు స్థానాలన్నీ అధికార పార్టీ చేతుల్లోనే ఉన్న నాలుగున్నరేళ్లుగా నగర జనాభాపై పన్నులు బాదటం మినహా చేసిందేమీ లేదు. ముఖ్యమంత్రి చంద్రబాబునాయుడు ఒకటి రెండు సార్లు నగరంలో పర్యటించి గుప్పించిన హామీలు గాలిలో కలసిపోయాయి. ఒక పక్క రాష్ట్ర ప్రభుత్వం కోట్ల రూపాయలు వెచ్చించి, కృష్ణానదిలో అంతర్జాతీయ స్థాయిలో బోట్‌ రేసులు నిర్వహిస్తోంది. మరో పక్క నగరం మురికి కూపంలా తయారయింది. నగరంలో చేపట్టిన వర్షపు నీటి పారుదల డ్రెయిన్ల నిర్మాణం. అస్తవ్యస్తంగా తయారైనా పట్టించుకున్న నాథుడే లేడు. బోట్‌ రేసుల కోసం వీవీఐపీలు వస్తున్నారని గన్నవరం విమానాశ్రయం నుంచి పున్నమి ఘాట్‌ వరకు సర్వాంగ సుందరంగా తీర్చిదిద్దగానే సరిపోతుందా? అంతర్గత డ్రెయిన్ల పరిస్థితి అధ్వానంగా ఉన్నా వీరికి కనిపించడం లేదు. సుమారు రూ.500 కోట్ల కేంద్ర నిధులతో చేపట్టిన డ్రెయిన్‌ నిర్మాణ పనులు ప్రణాళికా బద్ధంగా సాగడం లేదు. రెండేళ్లయినా పనులు పూర్తి కాలేదు. ఎక్కడబడితే రోడ్ల వెంబడి గోతులు తీసి డ్రెయిన్లు నిర్మిస్తున్నారు. కొద్దో గొప్పో బాగున్న రోడ్లను కూడా ధ్వంసం చేస్తున్నారు. ఇప్పటికే నిర్మించిన డ్రెయిన్లు చెత్తతో నిండిపోయి దుర్గంధం వ్యాపిస్తోంది. నీళ్లు పారడానికి అవకాశం లేక దోమలు వృద్ధి చెందుతున్నాయి. పారిశుధ్యం లోపించి ప్రజలు విష జ్వరాల బారిన పడుతున్నారు. డ్రెయిన్ల కోసం తీసిన గోతులు ప్రమాదభరితంగా మారాయి. పుష్కరాల సమయంలో కూడా ప్రభుత్వం మౌలిక వసతుల కోసం వందల కోట్ల రూపాయలు వెచ్చించినప్పటికీ నాసిరకం పనులు, అవినీతి, అక్రమాల కారణంగా నగర ప్రజలకు ప్రయోజనం లేకుండా పోయింది. ప్రజాధనం వృథా అయ్యింది. ఇదేనా రాజధాని నగరంలో జరగాల్సిన అభివృద్ధి? ఇవన్నీ పక్కపెట్టి రేసుల పేరుతో ప్రభుత్వం కోట్ల రూపాయలు తగలేయడం దారుణం. 
విజయవాడ రాజధాని నగరంగా మారిన తర్వాత మెట్రో నగరాల మాదిరిగా సరైన మౌలిక వసతులు ఏర్పాటు చేస్తారని భావించిన ప్రజలకు తెలుగుదేశం ప్రభుత్వం మొండి చేయి చూపింది. పైగా ఎడా పెడా పన్నులు పెంచేసి స్థానికులపై భారం మోపారు. రాజధాని పేరుతో అద్దెలు విపరీతంగా పెరిగిపోయి సామాన్యులు నగరంలో జీవించలేని దుస్థితి ఏర్పడింది. ట్రాఫిక్‌ నియంత్రణ కోసమని చేపట్టిన కనకదుర్గమ్మ ప్లై ఓవర్‌ పనులు ఏళ్లు గడుస్తున్నఆ పూర్తి కావడం లేదు. పలు ప్రభుత్వ కార్యాలయాలు ఏర్పాటు చేసిన తర్వాత విపరీతంగా ట్రాఫిక్‌ పెరిగిపోయింది. ప్రజలు రోడ్లపై తిరగలేని పరిస్థితులు ఏర్పడ్డాయి. ముఖ్యమంత్రి చంద్రబాబునాయుడు గారికి ఏమాత్రం చిత్తశుద్ధి ఉన్నా నగర సమస్యలను పరిష్కరించేందుకు చర్యలు తీసుకోవాలి.